Di dräi befrëndte Koppelen Misch a Romy Dunant, Heng a Malou Barthel souwéi John an Tréis Morn hu laang op dës Vakanz gespuert. Endlech ass et esouwäit! Si klammen an de Fliger Richtung Mallorca. Trotz e puer harmloser Turbulenzen op dësem Fluch, kommen si gesond a monter an der Finca „El Leschtos Lachos“ un an no engem Bléck aus der Riese-Panorama-Fënster Richtung Plage ass fir si kloer: dat gëtt eng flott Vakanz.

Och de Besëtzer vunn der Finca, Aurelio Martinez, liest eise Vakançieren all Wonsch vunn den Aen. Virun Allem bei de Fraen weess hien mat séngem südlännege Charme z’iwwer-zeegen. Wéi de John beim Schlofwandelen dann onverhofft op d’Grace Callahan trëfft, schéngt d’Blad sech ze wenden, well di vermeintlech berühmten Hollywood-Actrice schéngt grousse Gefalen un de Männer ze fannen. Dëst Verhalen léist bei hire Fraen net grad grouss Begeeschterung aus. Nodeems di dräi Männer mam Grace un d’Strandbar gaange sinn, erklären sech d’Fraen no deem engen oder anere Glas spuenesche Wäin bereet, als Backgroundsängerinnen fir den Aurelio anzesprangen, dee vunn enger grousser Gesangskarriere dreemt.

De Chaos ass perfekt, wéi si alleguer dee nächste Mueren an den Äerm vunn engem anere Partner erwächen. Koum et an der Nuecht esouguer ieren zum Partnertosch? A wéi zum Schluss och nach di ganz Vakanzekeess samt Schmuck feelt, kënnt fir si just ee Verdächtegen a Fro. De John! Well och deen ass spuerlos verschwonnen. Huet deen sech tatsächlech mat de Frënn hire Suen aus dem Stëbs gemaach a säin Tréis am Stach gelooss? Oder gëtt et nach eng aner Léisung?
Mehr...

Wéi ee Mann rechent schonn dermat, datt hien no engem Sträit mat sénger Fra, mam Schwoer op d‘Rull geet an duerno sprachwiertlech vum Däiwel geholl gëtt. Sou schlëmm sech dat am Ufank och unhéiert, huet de Marcel awer nach Gléck bei der Saach.

Nodeems di weltwäit Wirtschaftskris elo anscheinend och den Himmel erreecht huet, kritt hien nach eng Chance. Awer iergendwéi klappt säi Beméihen, begaange Feeler nees riicht ze béien, net esou richteg. An dat net nëmmen, well der Däiwel säi Bouf an di geschäfts-féierend Assistentin aus dem Himmel héchstperséinlech, him dobäi op d’Fangere kucken.
Mehr...

Wat wär, wann een sech am Spidol esou richteg wuel a gutt opgehuewe fillt, datt ee guer net méi wëll heemgoen. Op der U7, der Urologie beim Dokter Blos, hunn sech dräi Hären gesicht a fonnt. De Willi Meier, Charel Becker an Erny Knoppes. Ënnerschiddlecher kéinten di dräi Hären guer net sinn, an dach ergänzen si sech perfekt.

Wahrscheinlech ass d’Ursaach doranner ze sichen, datt de Willi bei sénger Fra Margot ferm ënnert der Schlapp steet an de Jemp vu sénger dominanter Mamm dermoosse gedierängelt gëtt. De Charel dogéingt ass en 100prozentege Jonggesell a wëll et och bleiwen. Wär do net séng Laangzäitverlobten Thilly, wat onbedingt ënnert d’Hauf wëllt kommen.

Eigentlech sinn di Hären sou gesond a monter, datt si ouni Weideres entlooss kéinte ginn. Awer dogéingt wieren si sech mat Hänn a mat Féiss. Si erfannen esouguer Krankheeten, déi et guer net gëtt, nëmme fir op hirer Wuelfillstatioun ze bleiwen.
Mehr...

All Joers am Summer treffen sech d’Familljen Pëtzmech, Grimmel a Frellepelz zum Dauercamping um klenge Stauséi zu Ënnerdompegkill. Trei no hierer Devis, an der Vakanz wéi doheem, logéieren di Herrschaften an hiere prächtege Roulotten schonn zënter Joeren op deene beschte Plazen vum Camping Moukewiss. E klenge Virgärtchen mat Blummen an eng Satelitteschossel um Daach däerf natierlech net feelen.

Außer klengen neidege Stëpplereien verstinn di dräi Koppelen sech nawell ganz gutt.
Bis enges schéine Mueren en ale raschtegen a rabbelege Camper hinnen d’ Vue op hiere geléifte Séi verspäert. Domat net genuch, wëll dach dee neie Piechter vum Camping een Deel vun der Plage beim Séi als textilfräi Zone déclaréieren.

Domat sinn di Dammen Pëtzmech, Grimmel a Frellepelz awer ganz a guer net averstanen, am Géigesaz zu hiren, holde Göttergatten’, déi nawell gäeren ee Bléck oder zwee op dës speziell Plage geheie wéilten. Wat Mann wëll, a Fra verbitt, féiert dacks zu turbulenten an heiansdo delikaten Szenen a Verwécklungen. Kee Wonner, wann dann Munchereen oder Munchereent anstänneg an d’ Fettnäpfchen trëppelt.
Mehr...

Et si schwéier Zäite fir deen alen Hotel Beim Wëllen Hues. Fir nei Gäscht unzelackelen, missten onbedingt e sëllechen Renovéierungsaarbechten duerchgefouert ginn. Bannen a baussen. Dofir feelt et dem Hues Fernandand awer um néidege Klenggeld.

Well an der Ëmgéigend, duerch ze grouss Wëllschwäipopulatioun dësen Hierscht, enorme Wëldschued entstanen ass, huet d’Forstverwaltung am ganze Kanton eng gréisser Klappjuegd ordonnéiert. Just zu dësem Spektakel huet sech dee milliouneschwéiere Hobbyjeeër Gijsbert Van de Moortele mat sénger Fra Flora a séngem Bouf Albatius aus dem noen Ausland ugemellt. De Van de Moortele mat Famill war an der Zäit dacks am Hotel Wëllen Hues an der Vakanz, fir hei kënnen op d’Réi an op den Hirsch ze goen. Op een Hirsch hat et deen ale Gijsbert besonneg ofgesinn. Dat war de Rudi, e kapitale Siechzéngenner. Ganz drop versiess, dëse Rudi eng Kéier op der Juegd vrun d’Flënnt ze kréien, versprécht hien dem Hues Fernand dem Hotel als anonymen Assossier zur Säit ze stoen. D’Saach huet just een Hoken vun deem de Gijsbert näischt weess: de Rudi steet ënner Naturschutz! Speziell fir dës Juegd gouf de Rudi souguer an eng Wëldperch gespaart, datt him näischt geschitt.

Wéi lo och nach d’Gloria Dillendapp, di heemlech Mäitress vum Gijsbert, opdaucht, an säi Bouf Albatius sech an dës Damm verléift, geet alles drënner an driwwer. D’Léini, d’Kächen an d’gutt Séil aus dem Haus, huet hei natierlech kräfteg d’Fangeren am Spill.
Ausrieden, Verwiesselungen, fauschtdéck Ligen an e Schoss nuets op der Juegd, dreiwen d’Saach op d’Spëtzt.
Mehr...