Duerch e Bréif vum Bistum ass am klenge Klouschter "Hellege Bimbam" d'Opreegung grouss. Doranner steet, datt den Uerden opgeléist an d'Nonnen op aner Klouschteren opgedeelt ginn, wann sech un der wirtschaftlecher Situatioun net schnellstens eppes ännert. Zu allem Iwwel kënnt nach derbäi, dass an engem zweete Bréif deen hannerhältege Buergermeeschter Bouché den Nonnen hannert hirem Réck d'Pacht fir d'Uebstbongerten an d'Wéngerte gekënnegt huet.
Ausgerechent elo, wou d'Beem voller Uebst hänken an di voll Riewen di beschten Drauwen fir en exzellente Wäin hierginn. Ouni d'Wësse vum Bistum hunn di dräi Nonnen Bonifazia, Pankrazia a Servazia eng al, natierlech verbueden, Traditioun erëm opliewe gelooss, wéi se zënter Joerhonnerten schonn a ville Kléischter praktizéiert gouf. An de Klouschtermaueren gëtt heemlech monter Schnorri gebrannt a Wäin gekeltert.
Leider bleift dës Ondugend net laang onentdeckt an de Bistum schéckt den Doumkapitular Riesemond, fir deem onkathouleschen Dreiwen en Enn ze setzen. Zesumme mat der Mme Minerva van Flieteviech an engem gewëssen Här Bruno Krëbock treffen si sech do op der Plaz fir de Verkaf vum Klouschter mat deene betreffende Lännereien séierstméiglech an dréchen Dicher ze bréngen.
D'Herrschaften haten awer d'Rechnung ouni di dräi ausgefuusste Nonne gemaach an och den Hausgeescht Vältes léisst net laang op sech waarden. Huet Kraidervirsch mat sénger Prophezeiung dach Recht behalen?
